Forma I:
Deinde sequitur actus pænitentialis ad quem sacerdos
fideles invitat, dicens:
Fratres,
agnoscamus peccata nostra, ut apti simus ad sacra mysteria celebranda.
Fit brevis pausa
silentii. Postea omnes simul formulam confessionis generalis perficiunt:
Confiteor
Deo omnipotenti et vobis, fratres, quia peccavi nimis cogitatione, verbo, opere
et omissione:
et,
percutientes sibi pectus, dicunt:
mea
culpa, mea culpa, mea maxima culpa.
Deinde
prosequuntur:
Ideo
precor beatam Mariam semper Virginem, omnes Angelos et Sanctos, et vos,
fratres, orare pro me ad Dominum Deum nostrum.
Sequitur absolutio sacerdotis:
Misereatur nostri omnipotens Deus et,
dimissis peccatis nostris, perducat nos ad vitam æternam.
Populus
respondet:
Amen.
____________________________________________________
Forma II:
Sacerdos fideles
invitat ad actum pænitentialem:
Fratres, agnoscamus peccata nostra,
ut apti simus ad sacra mysteria celebranda.
Fit brevis pausa
silentii.
Postea sacerdos
dicit:
Miserere nostri, Domine.
Populus
respondet:
Quia
peccavimus tibi.
Sacerdos:
Ostende nobis, Domine, misericordiam
tuam.
Populus:
Et
salutare tuum da nobis.
Sequitur
absolutio sacerdotis:
Misereatur nostri omnipotens Deus et,
dimissis peccatis nostris, perducat nos ad vitam æternam.
Populus
respondet:
Amen.
____________________________________________________
Forma III:
Sacerdos fideles
invitat ad actum pænitentialem:
Fratres, agnoscamus peccata nostra,
ut apti simus ad sacra mysteria celebranda.
Fit brevis pausa
silentii.
Postea sacerdos,
vel diaconus vel alius minister, sequentes, vel
alias,
invocationes cum Kýrie, eleison profert:
Qui missus es sanare contritos corde:
Kýrie, eleison.
Populus
respondet:
Kýrie,
eleison.
Sacerdos:
Qui peccatores vocare venisti:
Christe, eleison.
Populus:
Christe,
eleison.
Sacerdos:
Qui ad dexteram Patris sedes, ad
interpellandum pro nobis: Kýrie, eleison.
Populus
respondet:
Kýrie,
eleison.
Sequitur
absolutio sacerdotis:
Misereatur nostri omnipotens Deus et,
dimissis peccatis nostris, perducat nos ad vitam æternam.
Populus respondet:
Amen.
____________________________________________________
Sequuntur invocationes Kýrie, eleison, nisi iam præcesserint in aliqua formula actus
pænitentialis.
V. Kýrie, eleison.
R.
Kýrie, eleison.
V.
Christe, eleison.
R. Christe, eleison.
V. Kýrie, eleison.
R.
Kýrie, eleison.
Aliæ melodiæ in
Graduali romano inveniuntur.
